cando o outono saúde,
saltaremos un río de cinza e sal
pensando en flores de azucre.
cando o outono beba no teu corazón,
prenderei en ti, serei ti,
contigo.
e non medrarei nunca prendido en ti.
cando o outono berre o meu destino,
mil anxos desesperados
serán o coro
que entronice a túa mirada.
cando o outono saúde,
buscareite.
cando o outono saúde,
estarémolo mirando aos ollos.
cando o outono saúde,
estarei ao teu lado
sorrindo.
.