Arrepentirme podería ser algún tipo de arte

A estraña lección
tirada dunha pegada na tarde de xullo,
que seguirá por aí,
confusa ante outro milleiro de areas máis.

A estraña lección do frío mal percutido
das estrelas na dispersión.

Ás veces cando
xa non estaba.

A estraña lección
da que tirar corolarios
éuscaros e sen plastificar.

A estraña lección coa que deixar
de ser eu.

A razón da imposibilidade que late.