Arrepentirme podería ser algún tipo de arte

E se saúda o inverno coas súas mans de fillo da raiba,
bailaremos na liña do horizonte.

Se o inverno especula coa túa felicidade,
arrancaremos cada un dos seus latexos soñando
sempre.

Se o inverno sementa distancia,
recolleremos mil apertas
e non existirá ningún tipo de dor.

Se o inverno saúda,
seguirei incrédulo roubándoche miradas.

Se o inverno saúda,
ti e máis eu.

Se o inverno saúda,
soñarei que consigo encher de cores a túa vida.

E se o inverno non saúda,
fuxiremos,
inocentes,
ao outono
onde estou ao teu lado,
sempre,
sorrindo.