Arrepentirme podería ser algún tipo de arte

na man dereita teño o meu ollo esquerdo.
véxoa co meu ollo dereito.
cólleme máis a man.
e agora que vexo o meu ollo esquerdo,
ensanguentado e mazmido,
penso en que quizáis sexa a primeira vez que se ven
e entón preséntoos.
non sei de qué falarán tras a presentación.
de feito non estou seguro de que os ollos falen.
ao mellor falan de xardíns, praias e boticas.
ao mellor rin pensando o mesmo.
ou quizáis o meu ollo esquerdo sexa
fascista e moi estirado.
con sorte cáense ben e fan plans vacacionais
xuntos.
esvaroume o ollo esquerdo da man dereita.
está na mesa xunto ao que queda desta
Heineken.
o ollo dereito non fai comentarios.
pode que sexa cauto.
vou a ver qué botan na televisión.