Arrepentirme podería ser algún tipo de arte

reunídevos para solucionar os problemas que vós creades,
para mañá de novo renegar do que hoxe arranxastes.
tirades millóns en cada reunión
pero como o diñeiro non é voso
¿cal é o problema?

unha e outra vez témosvos oído a mesma mentira,
unha e outra vez témosvos oído e nada se arranxa,
non sodes benvidos en ningures ¿por que será?
¿a que pobo defendedes, representantes de quen?

rodeádesvos de policía, tomades as cidades,
mallan na xente no nome da vosa seguridade,
e vós cos pés enriba da mesa facendo bromas
e rindo e namentres, ¿canta xente matades de fame?
desvergonzados fachendosos, baixade os pés da mesa.

abaixo.

algún día pagaredes todo o que facedes,
todo o que sufriron os pobos hánvolo devolver.
sabemos que no voso dicionario non existe o respecto;
namentres, aínda que só sexa iso, gardade as formas