Arrepentirme podería ser algún tipo de arte

na paz do exterminio
e no descanso xenocida.

sons e ringleiras de melodías
estremecendo
perversións xenocidas.

caídas infernais
que riman constantemente
con xenocidios desmotivados.

colleremos un soño
e desvirgaremos inocencias
con xenocidios desmotivados.

deixa a túa imaxe enriba da mesa
e camúflate cun gramo,
pero o xenocidio non vai contigo.

percepcións superficiais
como ideario de milleiros de potenciais
xenocidas.

neste autobús non hai bágoas,
nin lembranzas, nin series preferidas.

só restan dúas paradas
e ao xenocidio só lle faltas
ti.