cando a primavera se confunda
e baile entre o teu cabelo,
arrecendos a anxo baixarán dende o meu amor.
cando a primavera se afirme a cada paso,
o infinito rendiráse aos teus pés
e sorrirá.
cando a primavera aliñe todos os astros
que inda non viron a luz da túa alma enorme,
correremos por riba de todos eles
e o tempo esqueceráse de todo.
cando a primavera estea aquí,
sentareina nun ombreiro mentres te miro
e bicareite.
cando a primavera estea aquí,
o later e o tremer será todo un.
cando a primavera estea aquí,
ti
comigo
e a felicidade.
.