Arrepentirme podería ser algún tipo de arte

as meirandes verdades por vir
serán soles silenciosos e escuros.

cando a inocencia berra,
cega,
dende ondas invisíbeis
sobre cincocentos gramos de alcol e xenreira.

na carne
pólas ceibes e vermellas.
na carne
máis carne sionista fagocitando
esquemas áureos.
na carne
a vida carece dunha misión
e aluga calquera cousa
estúpida.
na carne
a forza do que non é
solápase baixo a tenrura
do que non é.

a elección fai dano e molesta.
a elección é unha merda
e afastareina día tras día.

sucedáneos.
masturbación.
sexo.
playstation.
bruce willis.
castromil.
chándal.
hip-hop.
pipas.
mobilidade.
esencia.
caldeirada.
bailar.
miopía.
sábanas.
margaridas.
procesións.
centro-dereita.
almanaques.
gasoil.
licor.
vontade.

a inxustiza non ten nome propio
e o máis belo do universo molesto
ten nome de mar.