Arrepentirme podería ser algún tipo de arte

non me vexo
hoxe

non me vexo
porque
non son quen
de verme
do verme
que son

convexo
me vexo
sen verme
e sen vermes

hoxe vexo
vexo
hoxe
xeo
de onte
e onte o verme
no xeo
déixase
facer ao xeito dos grandes
portadores
de cera e lume

disturbado
e gardado á dereita de deus
dándolle polo cu á virxe
e ao neno
polo prezo
de un

hoxe non o vexo
pero o verme
xa
lle
entrou

polo cu

á virxe

e ao neno

que debería ser un mesías

e cando rematei

chamei a fraga
touriño
quintana
aznar
deus
zapateritotitotitotictoc tic toc

concertamos hoxe unha cita
pero non me vexo
e non verme
rodéame de vermes

e digo
boh
mimá
aí anda

dáme dúas de
dez
céntimos
e unha guitarra
que non me vexo
hoxe
e son un verme
sen verme

cando sexa un verbo
serei irregular
e acharei algún paradigma
por entre os cristais
de cacharros
que esvararon ao escoitar
ao reloxo
falar de disturbios
intravenosos

velenosos

ou ao verme
cheo
de vermes