Arrepentirme podería ser algún tipo de arte

uns centos de credos

uns miserables
pensamentos
dogmáticos

desprazarse
social
social

estética
rebentada
asociada coa nada

na miña mirada
non hai métrica
o amor non rima
a retórica non vai por dentro
a gramática
non a fixemos nós
conducta porque o dixo alguén
por debaixo
pasando por debaixo

cravo no aire
un credo

dáme papel
dáme frío
dáme metal
dáme todo
dáme o que levas entre as veas

nin un paso
sen deixar de mirarme
entre o fume

no tempo desta
época
unha década é un minuto
os séculos
fan de anos
os segundos respiran días
e a semana
vaise entre os dedos da noite