Arrepentirme podería ser algún tipo de arte

acaba de entrar un mosquito
pola fiestra
e desexo que me trabe
e se leve algo de sangue

morrerá rocío jurado
serei feliz polo simple feito
de que deixe de vivir

o mosquito pasa preto
dos meus ollos e
por un breve intre
desexo que me chante
todo o seu
odio
dentro
pero
cada noite é a mesma
e hoxe quizáis debería
quedar na casa
sen valor
e sen desesperación

dásme un minuto
e escribo isto