Arrepentirme podería ser algún tipo de arte

son máis de Romero
que de Zidane

son máis de Arriva
que de Castromil

son máis de pintura de dedos
que de unllas pintadas

son máis de ETA
que do PP

son máis de Fortunata
que da Regenta

son máis de céntimo
que de billete

son máis de rir
que de berrar

son máis de berrar
que de cantar

son máis de tinto
que de branco

son máis do momento
que de unha hora

son máis da Churra
que do Xeixo

son máis de Félix
que de Deus

son máis de Bloc de notas
que de Word

son máis raro
que cabezón

son máis cabezón
que o resto

son máis de Banda Bassotti
que dos Beatles

son máis de morrer
que de matar

son máis do ING
que do Depor

son máis de Estrella
que de Coca-Cola

son máis de lavar
que de secar

son máis de praia
que da vida

son máis do primeiro de System
que de outro de System

son máis de fusil
que de bomba

son máis de dicir
que de escoitar

son máis de Pena
que de España

son máis de Winamp
que de televisión

son máis de chan
que de ceo

son máis de Al Qaeda
que do Opus

son máis de escribir
que de policía

son máis de vogais
que de números pares

son máis de Carvideo
que de Jesús da Meca

son máis de trompeta
que de orquestra sinfónica

son máis de facer sen pensar
que de pensar sen facer

son máis de roubar
que de visitar

son máis de facer o parvo
que de facer caldeiradas

son máis de Eristoff
que de Nietzsche

son máis de espadas
que de corazóns

son máis de cabalo
que de raíña

son máis de querer ser
que de ser

son máis de pensar en ser
que de ser

son máis de non ser
que de ser

son máis de estar
que de subir

son máis de bicar con lingua
que de protocolo

son máis de medo
que de horóscopo

son máis de tarxeta
que de gol

son máis un perdido
que un estudante

son máis un pasaxeiro
que un habitante

son máis de Stalin
que de Fraga

son máis de resaca
que de borracheira

son máis de Nesquik
que do demo

son máis egoísta
que vós

son máis egocéntrico
que vós

son máis de equivocarme
que vós

son peor que vós

son o que non merece nada

son o que sempre fallará