Arrepentirme podería ser algún tipo de arte

vómito nas veas
sangue no cerebro
ideas na boca

de que cor será
o serán
do euquesei?

non dará acerto
a rabia que se agocha
debaixo da faciana ensanguentada

contra o catolicismo
armas de cartón e xiz
contra o catolicismo
fetos alugados ao corazón
contra o catolicismo
tres anos na cidade coa xente
contra o catolicismo
seme no altar maior
contra o catolicismo
propiedades por entender

tal é como é a xustiza e a liberdade
construída sobre a fame
e a pobreza