Arrepentirme podería ser algún tipo de arte

non teño bíceps

teño a roque baixo a pel
que se contrae
e se relaxa
ao son dun trombón

non teño peito

teño a félix
que berra
alí no fondo

non teño un puño

teño a diego
cos dentes apretados
cheos de xenreira da
boa

non teño dous ollos

teño todo o que
é agus
metido nas cuncas

non teño orgullo

teño a todos os meus
nas costas
cantando
ao unísono
algo sobre unha guerra
que gañaremos

non teño odio nas miñas verbas

teño eternidades
de felicidade