Arrepentirme podería ser algún tipo de arte

quedan tres cuartos de hora

a estación de tren está a menos de dez minutos

un
dous
tres

unha bolsa do eroski
un mando de loitas ou conquistas
frangullas de ídolos do porvir

catro
cinco
seis

parquet
fiestra
bombona laranxa como toda bombona de xeito

sete
oito
nove

un toque
miras
outro toque
sorpresa
non respondes
total

dez
once
doce

unha manifestación
unha guerra
unha mentira

trece
trece
trece
catorce
quince

o saldo chega
o verde chega
o arrecendo non chega
apetrena

dezaseis
dezasete
dezaoito

unha trompeta
dúas trompetas
un trombón
un saxo

dezanove
vinte
vinte e pico

azul brando
azul con pegada do feito
desfeito no azul

vinte e pico
trinta
trinta e pico

dirección a cargo dun ruso
produción a cargo dun galego
realización a cargo dun cubano

trinta e pico
corenta
corenta e pouco

hermetismo
costelas marcadas xa preto de seren hebreas
o son é outro
un piano
unha muller

corenta e pico
cincuenta
cincuenta e pico

colle outro tren

le algo

pensa en ti

e en quen non está