Arrepentirme podería ser algún tipo de arte

boas

quería un café con leite

como o quere?

a que se refire?

claro
non nos quedan tazas
nin vasos nin padiolas

é dicir

quéreo nunha chave da casa
ou nun parafuso?

non entendo

a ver

só quero un café con leite

non terá algo de máis xeito
onde botalo?

non

pois
non sei

bótemo
nunha chave da casa

agora mesmo
cabaleiro

aquí ten

pero esta chave
é destas planas
que parecen un insignificante
intento
por acariñar un futuro sinxelo

cando dixo chave da casa
pensaba nunha chave
tipo tradicional carlista

asco de xente