Arrepentirme podería ser algún tipo de arte

o cuarto
está branco
gris e marrón
por igual

o cheiro
entra por cada
anaquiño de pel

ela segue
encima da taza
do cagadoiro
apretando os dentes
e paréceme tan bonita

teño unha erección
e mírome no
único anaco de espello
no que podería facelo

o tempo esqueceuse
deste cuarto

alguén abre a porta
e entra o son
da música

soa auga escorrendo
e levándose un anaco
desa muller tan bonita

pagareille

e pedirei
unha caña

mañá teño que entregar
un traballo de obstreticia
e chove tanto
no meu eccema