Arrepentirme podería ser algún tipo de arte

á memoria de David

non estás na miña memoria verdadeira
nin faciana
nin voz
nin xeitos

non estás en ningures

estás nas verbas
nunha memoria áceda
que amosa todo o que finalmente
non foi

terías a miña idade
sempre

posiblemente seriamos colegas
aínda
e falariamos de que o depor apesta
de que juan rodríguez é un sicario dunha
especie de mafia andaluza
e de que de guzman é un pit-bull

e quedariamos para botar un cabrón
ou un póquer

e contaríasme cousas
dalgunha tía chunga
que che dixo non sei qué hostias
e ririámonos sendo uns nazis nun banco

pasariache cedés
que tardarías en devolver e
daríame igual

explicaríasme o qué pensas
do café con leite
ou do té
e de qué non che fan nada
e eu contaríache o de cando estudei para o exame
de latín

non virías ao viña
pero cansaríaste
como todos
de escoitar as nosas putas anécdotas

non sei qué sería

non estás na memoria verdadeira

supoño que estás en algo mellor

en algo
do que non se fala todos os días
porque é algo moi bonito