un bufón agarda no aeroporto
baila un baile de pailaroco
sempre
como trescentos
remuíños metálicos
que nunca pararán
o medo agóchase
entón
en pequenas moreas
de area
que foxen dos pés
e de panos da man
non din a verdade
os faros
nin os tronos
sen choiva
nin cadáveres
de varios e varios e diferentes
carros e
carriños
e rodas ciscadas
e a herba
non entende
e só é un intre
e estou no autobús
situándome
por debaixo do paralelo
corenta e tres
e cuspíndolle a greenwich
pode que non haxa música
procurar o medo
é un pracer
sempre
amo la mia rabbia
.