Arrepentirme podería ser algún tipo de arte

non imos salvar nada

falecerá todo
e o poder fará calquera
cousa
e as gaivotas
serán gaivotas

había ben tempo
que non pronunciaba ningún hache
e había ben tempo
que non agardaba
que me levases ao sol
na procura
de palabras e verbas
e outras cousas
nas que meter risos
e tolemias

falecerá todo
e a sorte fará do ceo
un corpo negro
chamicento

chas chas chas chas...

chamicento

pintas esqueletos
e poslle lingua
pero non lle pos
ollos

pos pos pos pos...

pospós
ao meu esqueleto
na beira da túa cama
e agardas que rece
ou fale con deus
ou coa puta da súa existencia

voume arrincar
a pel a chantadas
e tirar o que me quede
pegado
aos ósos
cun coitelo que leve
grabado o nome
dalgún pai morto

o que raspe
será o meu almorzo
na mañá tranquila
e nos teus ollos
famentos

fame de esquizofrénica
levedade
eterna