Arrepentirme podería ser algún tipo de arte

faláchedesme sobre
o xeito no que había de borrar
as miñas bágoas
tan lonxe da casa

que todo podería mudar
que desaparecería a morte entre
os dedos e as miñas mans negras

sei dun lugar ónde
todo o mundo sería feliz

coñezo a estrada
e as indicacións necesarias
para chegar até alí

pero non estou advertido
sobre o xeito
no que había
de deixar todo ben feito

así que
por favor
non sexades impacientes
porque a eternidade
só será un tempo
e pintarei todos os vosos sorrisos
cunha morea de lume