vou mexar porque resulta que
debo ter unhas gañas de mexar modo
normal
a televisión proclama que
un pescador atopou un cadáver
na marxe dun río
preto de monforte
entro no cuarto de baño
vou sacando a pirola
disque o corpo
pode ser o dunha muller de
cincuenta e nove anos
da que non se sabía desde
hai dezanove días
primeiras pingas
de mexo
preguntan ao pescador sobre
o momento no que encontrou
o corpo
o señor sentencia
foi algo impensable
.