erguinme
penso que eran as doce e algo
erguinme e baixei até a cociña
co frío da cerámica nova
nos pés
e con toda esa xente de festa
fóra
cos seus vermouths
cos seus xornais de tirada nacional
coas súas ideas do ben e do mellor
xuntei anacos
da torta que mercara
o día anterior
por esas datas só comía
tortas
a idea de postre
é unha imposición
e como todo o malo
seguramente sexa tamén
hespañola
xuntei anacos da torta
e fixen unha pirámide con todo
o que deixei de sentir a noite anterior
acababa de fuxir de todo
e despois da torta
comería un pouco de melón
con limón
agosto sempre dita lendas
e nós obedecemos
.