vivir na rúa
san lucas
non fixo desta estancia na cidade
algo mellor que en datas anteriores
as vidas son así
aburridas e aínda polo menos
sei que o panadeiro abusa
da súa filla
sóubeno dende o primeiro día
míraa como se fose o pai
de todas as nenas
e esa fose a única que non o é
isto só pasa en san lucas
o panadeiro
non fai un pan mellor que ningún outro
pero ao abusar da filla
todos o notamos máis tranquilo
e mesmo dá volta de máis
algún céntimo de máis
que ao cabo do ano
tradúcese nun euro e pico
a rapaza nunca saberá
que o prezo do meu silencio
que se non denuncio o crime
que o seu pai comete sobre ela
vale
un euro
un euro que
igual
ao cabo do ano
xa teño guindado pola xanela do carro
por saberme
sinxelamente
ser o puto peor
.