Arrepentirme podería ser algún tipo de arte

deben ser
bótolle eu
que deben ser preto das tres da tarde

moi tarde de deus
para alguén que debería ter
entrado a traballar ás sete

as miñas faltas son
cousa da muller que teño ao lado

aparezo diante do espello
e aínda teño na barba algún peliño
da súa melena

tíroo coa man esquerda
agardando un maior crecemento sicolóxico
de xeito involuntario

acércome até a cociña
intentando non facer ruído

non quero espertala

non por respecto

é que polas mañás
o mínimo que fai
é trabar o brazo da persoa máis próxima

de aí para arriba

case nunca ten pesadelos

mais cando os ten
reparte cobadazos
e berra nun idioma que penso
precolombino

acércome á cociña
chanto o coitelo no peito do can
e deixo que o sangue encha unha cunca
azul

bebo o sangue do meu can

o can agora xa está morto

bebo sangue de can morto

aproveito para chucharlle o piroliño
de can morto

volto ao cuarto coa boca
chea de sangue
coágulos
e arrecendo a collóns de can morto

déitome ao seu lado

a iso das cinco chegarán
os nosos fillos de pasar a noite
en casa duns amigos

confío en que todas as guerras
continúen sendo sen motivos
convincentes

todas as mulleres están durmidas
a estas horas do mediodía