Arrepentirme podería ser algún tipo de arte

Amigos e amigas da arte de todo a cen, ante a escasa demanda de novos concursos no mundo da rede, nace un novo concurso neste sacrosanto sitio! E, mantendo a liña estúpida de anteriores concursos, este non vai quedar atrás do feito até o de agora!

Nesta ocasión facemos un chamamento a retomar esa arma de fascinantes posibilidades retro que é o Paint que ten o Windows e imos pedirvos que deades a vosa imaxinación de si!

O obxectivo será, como case sempre, botarnos unhas risas. Así que agardo que colaboredes e pensade que un debuxo de Paint non vos levará moito tempo e moita complicasión.

As regras do asunto seranvos estas:

1. Cada participante fará dous debuxos co Paint. Un cun tema dado e outro cun tema libre, a escoller polo participante.
2. Os debuxos non poderán conter imaxes copiadas doutros arquivos nin movidas así (nada de copiar imaxes e pegalas por riba, nin nada así). A coña é que o curredes vos coas ferramentas de debuxo do programa.
3. Non se poderá pór texto nos debuxos.
4. Cada participante porá título á súa obra de temática libre.
5. Non existe censura de ningunha clase.
6. Os debuxos serán enviados en formato JPG. Cando os gardedes, só tedes que escoller este formato en lugar do BMP.
7. O correo ao que se mandarán os debuxos será: painteallebeibe@hotmail.com
8. O prazo de envío das obras rematará o 27 de marzo, deste mes. É tempo abondo, tendo en conta que os debuxos os podedes facer en nadiña.
9. Unha vez rematado o prazo, colgaranse os debuxos de cada participante en cada sección (tema dado e tema libre) para a súa votación. O prazo de votacións rematará o 8 de abril.
10. Só poderán votar os participantes no concurso, co cal se identificarán en cada voto co seu correo electrónico.
    
11. As votacións serán de 0 a 10, sendo o 0 unha caca e o 10 unha pasada de obra de arte. A nota final, será a media aritmética (quedádevos co tema). Unha vez rematadas as votacións, xa teremos gañadores.
    
12. O tema dado para un dos debuxos será, como non podía ser outro: a crise.
    
13. O premio terá que ver co motivo do concurso.

Listo. Se hai algunha dúbida, preguntade sen medo.

Painteádelle, beibes!